v ຫຼວງນ້ຳທາມອບເງິນຊົດເຊີຍໃຫ້ຜູ່ຖືກຜົນກະທົບຈາກໂຄງການລົດໄຟ ລາວ-ຈີນ.
ເມື່ອບໍ່ດົນມານີ້ ແຂວງ ຫຼວງນ້ຳທາ ໄດ້ຈັດຳທີມອບ-ຮັບເງິນຊົດເຊີຍ ໃຫ້ແກ່ຜູ່ທີ່ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟ ລາວ-ຈີນ ຈຳນວນ 4 ບ້ານຄື:ບ້ານ ເຕ່ນ,ບໍ່ປຽດ,ຕີນຕົກ ແລະ ບ້ານ ນາເຕີນ, ຈຳນວນ 138 ຄອບຄົວລວມມີມູນຄາຫຼາຍກວ່າ 77 ຕື້ກີບ, ເຊິ່ງຕ່າງໜ້າມອບໂດຍທ່ານ ທອງແດງ ສິດທິສົນ ຮອງເຈົ້າເມືອງ ເມືອງ ຫຼວງນ້ຳທາ.
ຫົວໜ້າຫ້ອງການປະສານງານທາງລົດໄຟ ລາວ-ຈີນ ປະຈຳແຂວງ ຫຼວງນ້ຳທາ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ຫຼວງນ້ຳທາ ສະບັບ ເລກທີ 390/ຈຂ ລົງວັນທີ່ 28 ມິຖຸນາ 2018 ວ່າດ້ວຍການແຕ່ງຕັ້ງຄະນະຮັບຜິດຊອບເບີກຈ່າຍຄ່າຊົດເຊີຍສິ່ງກີດຂວາງໃຫ້ແກ່ຜູ່ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ ໄລຍະຜ່ານມາແຂວງ ຫຼວງນ້ຳທາ ງວດທີ່ 1 ແລະ ງວດທີ 2 ຄະນະກຳມະການໄກ່ເກ່ຍຂັ້ນແຂວງ ໄດ້ສົມທົບກັບຄະນະຄຸ້ມຄອງຂອງການກໍ່ສ້າງທາງລົດໄຟ ລາວ-ຈີນ ຈັດອັນດັບບູລິມະສິດ ສິດທີ່ 1 ເພື່ອເປັນເອກະສານ ອ້າງອີງໃນການຈ່າຍເງິນຊົດເຊີຍໃຫ້ແກ່ປະຊາຊົນຜູ່ທີ່ໄດ້ຮັບຜົນກະທົບຢູ່ 4 ບ້ານດັ່ງກ່າວ ໂດຍໄດ້ມີການເບີກຈ່າຍເປັນ 2 ງວດ.
v ໂຄງການກໍ່ສ້າງທາງລົດໄຟແຕ່ຊາຍແດນລາວ-ຈີນ
ໂຄງການກໍ່ສ້າງທາງລົດໄຟແຕ່ຊາຍແດນລາວ-ຈີນ ທີ່ຜ່ານແຂວງ ອຸດົມໄຊ 126.6 ກິໂລແມັດ, ປະກອບມີ 3 ສັນຍາ, 8 ກຸ່ມບໍລິສັດກໍ່ສ້າງ, ມີອຸມົງ 32 ອຸມົງ,
ຄວາມຍາວລວມ
83,679.5 ແມັດ ສັງລວມແລ້ວເຫັນວ່າວຽກເຈາະອຸມົງທັງ 3 ສັນຍາສາມາດປະຕິບັດໄດ້ 79 ຈຸດກໍ່ສ້າງ(ປາກອຸມົງທັງໝົດລວມທັງອຸມົງອ່ຽງເຈາະດ້ານຂ້າງ)ຂອງ 25 ອຸມົງ,ລວມຄວາມຍາວທີ່ສາມາດເຈາະໄດ້ທັງໝົດ45,009 ແມັດ. ເທົ່າກັບ 44.67 ຂອງຄວາມຍາວທັງໝົດຂອງຊ່ວງທີ່ຜ່ານເຂດແຂວງອຸດົມໄຊ.
ໃນຈຳນວນອຸມົງທີ່ເຈາະນັ້ນສາມາດເຈາະສຳເລັດທະລຸແລ້ວ 3 ອຸມົງຄື:
- ອຸມົງນາທົງ 1 (ບ້ານ ນາທົງ, ເມືອງ ນາໝໍ້) ຄວາມຍາວ 730 ແມັດ.
- ອຸມົງກໍ່ນ້ອຍ 3 (ບ້ານ ຫ້ວຍຍຳ, ເມືອງໄຊ) ຄວາມຍາວ 558 ແມັດ.
- ອຸມົງນາວອນ (ບ້ານ ທ້ຽວ, ເມືອງ ໄຊ) ຄວາມຍາວ 567 ແມັດ.
